१) तुम्ही नेहमी चांगली आणि मोफत सॉफ्टवेअर सुचवता. Parental Control साठीचं असं एखादं सॉफ्टवेअर सुचवाल का? दिवसभर नोकरी व्यवसायानिमित्त बाहेर असणार्‍या आमच्यासारख्या पालकांना इंटरनेटची खरंच काळजी असते. मुलांनी आमच्या अनुपस्थितीत अभ्यासासाठी, मनोरंजनासाठी, चॅट किंवा ईमेलसाठी वगैरे इंटरनेट अवश्य वापरावं. पण त्यांनी 'नको ते ' बघू नये असं सर्वच पालकांना वाटणं स्वाभाविक आहे. मला काहींनी यासाठी Parental Control साठीचा प्रोग्राम लावायला सांगितला. पण मला त्याबद्दल फारसं माहीत नाही. तुम्ही काही सुचवाल का? तुमच्या उत्तराचा खूप पालकांना फायदा होईल. - मधुकर करवीर (बेळगाव)
-Parental Filter ह्या नावाचं मोफत आणि माझ्या मते उत्तम असं सॉफ्टवेअर तुमच्यासाठी इंटरनेटवर उपलब्ध आहे. http://www.ecommsec.com/pf/PfSetup30.exe ह्या लिंकवर क्लीक केलत की Parental Filter चा डाऊनलोड सुरू होईल. केवळ २.१ एम.बी. आकाराचं हे डाऊनलोड आहे. त्यामुळे ते पटकन डाऊनलोड होतं. डाऊनलोड पूर्ण झाल्यानंतर इन्स्टॉल करा.
त्यातील वरच्या बाजूस असलेल्या उजवीकडील लाल आयतावर (Banlist Off) वर क्लीक करा. म्हणजे तो चौकोन हिरवा होईल आणि Banlist On होईल. याचा अर्थ तुमचं Parental Filter चालू झालं. Pornography किंवा अश्लील प्रकारच्या वेबसाईटस उघडायचा प्रयत्न झाल्यास त्या उघडणार नाहीत. Page can not be displayed असा संदेश मिळेल.
Parental Filter ने हजारो पोर्न व तत्सम साईटसची यादी केली आहे, आणि त्यांचा समावेश Banlist मध्ये केला आहे. दरमहा त्यात नवनव्या साईटसची भर पडत असते. त्यामुळे तुम्ही Banlist महिन्यातून एकदा जरूर अपडेट करा.
आता, शेवटची पण सर्वांत महत्वाची गोष्ट म्हणजे पासवर्डची. तुम्ही लावलेलं Parental Filter कुणीही काढू नये यासाठी पासवर्डची व्यवस्था आहे.विंडोमध्ये तुमचा पासवर्ड द्या.
हा प्रोग्राम बर्‍यापैकी लोकप्रिय आहे. पण तो फार मोठ्या प्रमाणावर साईटस बॅन करतो अशी टीका काही जण करतात. ज्या अर्थी तो लोकप्रिय आहे, त्याअर्थी आपण टीकाकारांकडे दुर्लक्ष करावे हेच बरे.
-माधव शिरवळकर
कोणत्याही टिप्पण्‍या नाहीत:
टिप्पणी पोस्ट करा